Masallıda xalq tətbiqi sənət növünün misgərlik sahəsi üzrə ustad dərsi keçirilib. Bu haqda məlumatı Cenublu.az bu gün, 13 iyun tarixində verir.
“Qədim xalq sənəti – Misgərlik” adlı master-klas Tarix-Diyarşünaslıq Muzeyində təşkil olunub. Masallı Regional Kollecinin tələbələri və İ. Əsgərli adına şəhər 3 saylı məktəbinin müəllim və şagirdlərinin iştirak etdikləri ustad dərsinin qonağı misgər Taleh Ağayev olub. O, iştirakçılara sənəti və onun texnikası, iş prosesindən danışıb. Daha sonra məktəblilərin verdikləri maraqlı suallar cavablandırılıb.
