Masallı rayonunda qanunsuz kömür istehsal edənlər cəzalandırılıblar. Bu haqda məlumatı Cenublu.az bu gün, 8 avqust tarixində Report-a istinadən verir.
Dövlət Ekoloji Təhlükəsizlik Xidmətinin rəsmisi Bəhruz Məhəmmədovun sözlərinə görə, quyular Ekologiya və Təbii Sərvətlər Nazirliyinin yerli qurumlarının, Masallı Rayon İcra Hakimiyyətinin və Masallı Rayon Polis Şöbəsinin əməkdaşları tərəfindən Masallı rayonunun Yolağacı kəndi ərazisində sakinlərin həyətyanı sahələrində aşkar edilib.
Araşdırma zamanı qanunsuz kömür istehsal edən şəxslərin Masallı rayon sakinləri Vüqar Abbasov, Samir Abbasov, Marif Şirəliyev, Əfsər Qurbanov, Fariz Məmmədov və Afər İbişov olduqları məlum olub.
Faktlarla bağlı həmin şəxslər barəsində akt və protokol tərtib edilib, qanunamüvafiq tədbirlər görülüb və kömür quyuları ləğv olunub.
