Masallı Tarix-Diyarşünaslıq Muzeyində Masallı rayonunun 8 avqust 1930-cu ildə Azərbaycanın inzibati xəritəsinə daxil edilməsinə həsr olunan “Qədim tarixi və zəngin təbiəti olan Masallı” mövzusunda tədbir baş tutub. Bu haqda məlumatı Cenublu.az bu gün, 8 avqust tarixində verir.
Tədbirdə Masallı rayonunun yaranma tarixindən, inzibati xəritəyə daxil edilməsindən və füsunkar təbiətindən məlumat verilib. Qalereyanın direktoru vəzifəsini icra edən Təhmasib Məcidovun Masallı təbitəni əks etdirən rəsm əsərlərindən ibarət sərgisinə baxış keçirilib. Yekunda tədbir iştirakçıları muzeyə ekskursiya ediblər.
Qeyd edək ki, tədbir Masallı Dövlət Rəsm Qalereyasının, Tarix-Diyarşünaslıq Muzeyinin, Mərkəzi Kitabxananın, Gənclərin İnkişaf və Karyera Mərkəzi Lənkəran-Astara Regional nümayəndəliyinin Masallı bölməsinin birgə təşkilatçılığı ilə keçirilib.
