Masallıda Azərbaycan polisinin yaranmasının 105 illiyi münasibətilə tədbir keçirilib. Bu haqda Cenublu.az bu gün, 30 iyun tarixində Azərtac-a istinadən xəbər verir.
Tədbirdə ilk növbədə RPŞ-nin əməkdaşları ulu öndər Heydər Əliyevin abidəsini ziyarət edib, önünə tər güllər düzüblər. Daha sonra rayondakı Qəhrəmanlar parkı ziyarət edilib. Tədbir Masallı Rayon Polis Şöbəsində davam etdirilib.
Tədbirdə şöbə rəisi polis polkovniki Azay Ağayev Azərbaycanın ictimai-siyasi sabitlik şəraitində inkişafında, dövlətçiliyin qorunmasında, asayişin mühafizəsində, vətəndaş hüquq və azadlıqlarının etibarlı təminatında daxili işlər orqanlarının mühüm xidmətlərindən danışıb.
Sonda xidmətdə fərqlənən bir qrup əməkdaşa fəxri fərman və mükafatlar təqdim olunub.
