Masallı Rayon İcra Hakimiyyətinin inzibati binasında vətəndaşların qəbulu baş tutub. Bu haqda məlumatı Cenublu.az bu gün, 22 iyul tarixində verir.
Qəbulda rayon İcra Hakimiyyəti Başçısı Aparatının məsul əməkdaşları, hüquq mühafizə orqanlarının rəhbərləri, rayonun idarə, müəssisə və təşkilat rəhbərləri, icra hakimiyyəti başçısının şəhər, qəsəbə və kənd inzibati ərazi dairəsi üzrə nümayəndələri və bələdiyyə sədrləri iştirak ediblər.
Qəbulda müxtəlif ərazilərdən 30 nəfərə yaxın vətəndaş müraciət edib. Vətəndaşların bütün müraciət və təklifləri diqqətlə dinlənilib, qeydiyyatı aparılıb.
Rayon İcra Hakimiyyətinin başçısı görüşü yekunlaşdıraraq, qaldırılan məsələlərin həlli istiqamətində müvafiq qurumlara tapşırıqlar verib.
