Masallıda narkotikin qanunsuz dövriyyəsi ilə məşğul olan şəxslər həbs ediliblər. Bu haqda məlumatı Cenublu.az bu gün, 23 aprel tarixində verir.
Masallı RPŞ rayon ərazisində narkotiklərin qanunsuz dövriyyəsinə qarşı tədbirlər həyata keçirib. Nəticədə Oruc Hacıyevdən satış üçün hazır bükümlərdə qablaşdırılmış heroin aşkarlanıb. Müəyyən edilib ki, O.Hacıyev narkotik vasitəni həmyerlisi A. Nəzərlidən alıb. Daha sonra A.Nəzərli də saxlanılıb. Onun üzərindən və evindən ümumilikdə 5 kiloqramdan artıq metamfetamin, heroin və marixuana tapılıb. İstintaq zamanı müəyyən edilib ki, A.Nəzərli adıçəkilən narkotik vasitəni və psixotrop maddəni satış məqsədilə şəxsiyyəti istintaqla araşdırılan İran vətəndaşından əldə edib.
Faktlar üzrə araşdırmalar aparılır.
