Masallıda yerləşən “Şəkərbala” uşaq bağçasında “Nağıllar aləminə səyahət” başlığı altında “Nağıl saatı” keçirilib. Bu haqda məlumatı Cenublu.az bu gün, 5 avqust tarixində verir.
Tədbirin əsas məqsədi uşaqları kitabxanaya cəlb etmək və onların mütaliəyə marağını artırmaq, eləcə də uşaq ədəbiyyatını təbliğ etmək olub.
“Nağıl saatı”nda kitabxananın əməkdaşı Yeksarə İbadova uşaqlar üçün nağıllar oxuyub, balacalar isə müxtəlif şeirlər, tapmacalar və atalar sözləri söyləyiblər.
Qeyd edək ki, tədbir Masallı rayon Mərkəzi Kitabxanasının Uşaq şöbəsinin təşkilatçılığı ilə baş tutub.
