Masallı rayon Mərkəzləşdirilmiş Kitabxana Sisteminin Heydər Əliyev Mərkəzində yerləşən Qodman kənd kitabxana filialında Milli Mətbuat və Jurnalistika Günü ilə əlaqədar tədbir baş tutub. Bu məlumatı Cenublu.az bu gün, 22 iyul tarixində verir.
Tədbirdə Heydər Əliyev Mərkəzindəki kompüter kursunun üzvləri yer alıblar.
Filial müdiri bildirib ki,1875-ci il iyulun 22-də “Əkinçi” qəzetinin nəşrə başlaması ilə Azərbaycan milli mətbuatının əsası qoyulub. Müasir dövrdə milli mətbuatımızın inkişafı ulu öndər Heydər Əliyevin adı ilə bağlıdır. Ulu öndərin 1993-cü ildə xalqın təkidli tələbi ilə hakimiyyətə qayıdışı mətbuatımızın inkişaf tarixində də yeni mərhələ açıb.
Tədbirin sonunda kompüter kursunun üzvləri kitablarla yaxından tanış olublar.
