Masallı Olimpiya Kompleksində Lənkəran–Astara Regional Gənclər və İdman İdarəsinin və Masallı Uşaq-Gənclər İdman-Şahmat Məktəbinin birgə təşkilatçılığı ilə ümummilli lider Heydər Əliyevin anadan olmasının 101-ci ildönümünə həsr olunmuş məktəblilər arasında voleybol üzrə rayon turniri keçirilib. Bu haqda məlumatı Cenublu.az bu gün, 25 aprel tarixində verir.
Gərgin və maraqlı idman mübarizəsi şəraitində keçən görüşlərdə 8 məktəb komandası birincilik uğrunda mübarizə aparıb.
Yekun nəticəyə əsasən, E.Ağayev adına Masallı rayon Hişkədərə kənd tam orta məktəbinin komandası turnirin qalibi adını qazanıb, S.Vurğun adına Türkoba kənd tam orta məktəbinin komandası ikinci, Z.Nəcəfov adına Ərkivan qəsəbə 2 saylı tam orta məktəbinin komandası üçüncü yerə sahib olub.
Qalib komandalara Lənkəran–Astara Regional Gənclər və İdman İdarəsi tərəfindən diplom və medallar təqdim olunub.
