Masallı Nizami Gəncəvi adına Mədəniyyət Mərkəzində mədəniyyət işçilərinin seminar-müşavirəsi baş tutub. Bu haqda məlumatı Cenublu.az bu gün, 1 avqust tarixində verir.
Müşavirə zamanı Mədəniyyət Mərkəzinin tabeliyində fəaliyyət göstərən müəssisələrdə ay ərzində keçirilmiş tədbirlər və qarşıda duran vəzifələr müzakirə edilib. Mərkəzin direktoru Vəkil İsmailov gündəlikdə duran məsələlər barədə iştirakçıları məlumatlandırıb. Çıxış edənlərdən Mədəniyyət Mərkəzinin bədii rəhbəri Sakit Müslümov, Viləş kənd Sənətkarlıq Evinin direktoru Qardaşəli Bədəlov, Mahmudavar kənd Folklor Evinin direktoru Natavan Əliyeva və digərləri görülmüş işlər, həmçinin avqust ayı ərzində baş tutacaq tədbirlər barədə müvafiq məlumatları tədbir iştirakçılarının diqqətinə çatdırıblar.
