Masallıda ağacın aşması nəticəsində 150 ailənin istifadə etdiyi yol bağlanıb. Bu haqda məlumatı Cenublu.az bu gün, 22 avqust tarixində Report.az-a istinadən verir.
Hadisə rayonun Mollaoba kəndinin Nəriman Nərimanov küçəsində qeydə alınıb. Kənd sakini Səidə Məmmədtağı qızı Məmmədovaya məxsus evin damının üstünə iri gövdəli ağacın aşması yolu bağlamaqla yanaşı, həmçinin elektrik və rabitə dirəklərini də zədələyib.
DİN-in Mətbuat Xidmətinin Lənkəran regional qrupunun məlumatına görə, hazırda ərazidə polis əməkdaşları xidmət aparırlar. Nəqliyyatın alternativ yola yönləndirilməsi istiqamətində işlər görülür.
