Masallı Tarix-Diyarşünaslıq Muzeyində “Heydər Əliyev və milli-mənəvi dəyərlərimiz” mövzusunda tədbir keçirilib. Bu haqda məlumatı Cenublu.az bu gün, 25 aprel tarixində verir.
Muzey və Yeni Azərbaycan Partiyası Masallı rayon təşkilatının birgə əməkdaşlığı ilə keçirilən tədbirdə təşkilatçı müəssisənin əməkdaşları, YAP-nin fəal gəncləri iştirak ediblər.
Tədbirdə müasir Azərbaycan tarixində milli-mənəvi dəyərlərin qorunması və inkişafı prinsiplərinin banisi olan ulu öndər Heydər Əliyev haqqında danışılıb, onun Azərbaycana rəhbərlik etdiyi dövrlərdə xalqımızın milli-mənəvi dəyərlərinin qorunmasına, milli mədəniyyətimizin inkişafına, xalqın adət-ənənələrinin zənginləşdirilməsinə, eyni zamanda gənclərimizi xalqımızın milli-mənəvi dəyərləri, milli əxlaq prinsipləri əsasında tərbiyə etməyi tövsiyə edərək bu yolda gördüyü işlərdən söhbət açılıb.
