Masallı rayonunun Şərəfə kəndində yeni məhəllənin təbii qazla təmin olunması mərasimi baş tutub. Bu haqda bu gün, 24 aprel tarixində Cenublu.az xəbər verir.
Mərasimə RİH-nin başçısı Araz Əhmədov və aparatı, “Azəriqaz” İstehsalat Birliyi Lənkəran Regional Qaz İstismarı İdarəsinin rəisi Namiq Zeynalov, hüquq-mühafizə orqanlarının rəhbərləri, kənd sakinləri və media nümayəndələri cəlb olunublar.
Tədbir zamanı Namiq Zeynalov çıxış edərək yeni inşa edilmiş mənzillərin təbii qazla təmin olunması istiqamətində görülmüş işlər barədə məlumat verib.
Sonda evləri təbii qazla təmin olunan sakinlərdən Xankişi Xankişiyev, İlahə Məmmədova və başqaları əhalinin müraciətinə operativ yanaşıldığına görə minnətdarlıqlarını bildiriblər.
