Masallı rayon Qodman inzibati ərazi dairəsinin Əzizabad kəndində 17 fərdi yaşayış evinə təbii qazın verilməsi ilə bağlı mərasim keçirilib. Bu haqda məlumatı Cenublu.az bu gün, 29 fevral tarixində verir.
Tədbirdə Masallı RİH başçısının müavini, Sosial-iqtisadi inkişafın təhlili və proqnozlaşdırılması şöbəsinin müdiri Adəm Məhərrəmov, “Azəriqaz” İB-nin Lənkəran Regional Qaz İstismarı İdarəsinin rəisi Namiq Məmmədov, Lənkəran Regional Qaz İstismarı İdarəsinin Masallı Xidmət Sahəsinin rəisi İxtiyar Seyfullayev, digər rəsmi şəxslər, kənd ağsaqqalları, ziyalılar və mətbuat əməkdaşları iştirak ediblər.
Məsul şəxslər, həmçinin Təzə Alvadı kəndində qaz xəttinin təmiri və yeni məhəllələrin qazlaşdırılması prosesi ilə tanış olublar və müvafiq tapşırıqlar veriblər.
Kənd sakinləri onlara göstərilən yüksək diqqət və qayğıya görə minnətdarlıqlarını bildiriblər.
Qeyd edək ki, Əzizabad kəndi ucqar dağ relyefli ərazidə yerləşir. Kənddə 96 ev var. Kəndin əhalisinin sayı 455 nəfərdir.
