Masallı Asan İntellektual İnkişaf Məkəzində Azərbaycan Respublikası Gənclər və İdman Nazirliyinin yaranmasının 29 illiyi münasibətilə gənclər arasında “Breyn rinq” intellektual bilik yarışı keçirilib. Bu haqda məlumatı Cenublu.az bu gün, 26 iyul tarixində verir.
Lənkəran-Astara Regional Gənclər və İdman İdarəsinin Masallı rayon sektoru və“Masallı Gənclər Evi” SXM-nin birgə təşkilatçılığı ilə keçirilən yarışda “Təhsil” komandası I yerə, “Buta” komandası II yerə, “Asan könüllüləri” komandası III yerə layiq görülüb. Qalib gələn komandalar “Masallı Gənclər Evi” sosial xidmət müəssisəsi tərəfindən hədiyyələr və diplomlarla mükafatlandırılıblar.
Qeyd edək ki, mükafatlandırma mərasimində Lənkəran-Astara Regional Gənclər və İdman İdarəsinin rəisi Teymur Babazadə, “Masallı Gənclər Evi” SXM-in direktoru Fuad Mənsimov, LARGİİ-nin Masallı rayonu üzrə sektor müdiri Sabiq Cahangirov və “Regional İnkişaf” İB-nin Cənub Regionunun rəhbəri İlkin Muradov qalibləri təbrik edərək, gələcək fəaliyyətlərində uğurlar arzulayıblar.
