Azərbaycan Respublikasının Qida Təhlükəsizliyi Agentliyi (AQTA) əməkdaşları tərəfindən aparılan monitorinqlər zamanı Masallı rayonunda fəaliyyət göstərən 7 heyvan kəsimi və ət satışı məntəqəsində bir sıra nöqsanlar aşkar olunub.
Belə ki, 20 Yanvar küçəsindəki “Köhnə Bazar” ərazisində Əliyev Tural Fəyyaz oğlu və İbayev Azad Əliş oğluna, Boradigah qəsəbəsində İbrahimov Rabil İmran oğlu və Hacıyev Rafət Rauf oğluna, Qızılavar kəndində Qəniyev Məsləhət İsmayıl oğlu və Mirzəyev Bəhruz Bürcəli oğluna, eləcə də Türkoba qəsəbəsində yerləşən Hacıyev Asəf Seyfulla oğluna məxsus məntəqələr barəsində inzibati protokol tərtib edilib.
