Masallıda Beynəlxalq Gənclər Günü münasibətilə yay istirahət düşərgəsi təşkil edilib. Bu haqda bu gün, 12 avqust tarixində Cenublu.az Masallı Rayon Gənclər və İdman İdarəsinə istinadən xəbər verir.
Düşərgə "Ümidim Sənsən" İctimai Birliyinin dəstəyi ilə baş tutub. İlk öncə iştirakçılar "Şəhidlər" abidə-kompleksini ziyarət edərək şəhidlərimizin xatirəsini ehtiramla anıblar. Daha sonra saat 10:00-dan 19:00-dək davam edən düşərgə çərçivəsində iştirakçılar üçün əyləncəli oyunlar, müxtəlif yarış və təlimlər, ekskursiyalar, idmançılar və qazilərlə görüş təşkil olunmuşdur. İştirak edən 50-dən artıq gənc xüsusi geyim və forma, lazımi idman ləvazimatları və vaxtaşırı yeməklə təmin edilmişdir.
Sonda təlim və yarışlarda fərqlənənlərə təşkilat komitəsinin "Təşəkkürnamə"ləri təqdim edilmişdir.
