Masallıda "Haqqa yüksələn səs" mövzusunda tədbir keçirilib. Bu haqda bu gün, 12 avqust tarixində Cenublu.az Masallı Regional Mədəniyyət İdarəsinə istinadən xəbər verir.
Əhməd Cavadın anadan olmasının 130 illik yubileyinə həsr olunmuş tədbir Tarix-Diyarşünaslıq Muzeyində baş tutub. Görüşdə mədəniyyət işçiləri, Gənclərin İnkişaf və Karyera Mərkəzinin Masallı nümayəndəliyinin üzvləri iştirak ediblər. Tədbirin əvvəlində Vətən uğrunda şəhid olan qəhrəmanlarmızın xatirəsi bir dəqiqəlik sükutla yad edilib. Daha sonra muzeyin əməkdaşı Çingiz Qurbanov Əhməd Cavadın həyat və yaradıcılığı barədə geniş məruzə edib.
Tədbirin sonunda Əhməd Cavadın sözlərinə bəstələnmiş mahnılar sazda ifa edilib.
