Masallı rayonu ərazisində “Sağlamlıq körpüsü” layihəsinə start verilib. Bu haqda məlumatı Cenublu.az bu gün, 27 mart tarixində verir.
Layihə çərçivəsində Almaniyada və Türkiyədə ixtisaslaşmış həkim-oftalmoloqlar, həkim-stomatoloqlar, pediatrlar, ümumi cərrahiyyə və plastik, rekonstruktiv və əl cərrahiyyəsi üzrə mütəxəssislər və həkim-psixiatrlar əhaliyə xidmət göstərəcəklər.
Tibbi müayinələr Rayon Mərkəzi Xəstəxanasında, Boradigah Qəsəbə Sahə Xəstəxanası və Bioloji Təbabət Klinikasında baş tutacaq.
Əlavə olaraq, həkim mütəxəssislər Boradigah qəsəbə İ. Nağıyev adına 2 saylı tam orta məktəbdə valideynlər və yuxarı sinif şagirdləri ilə də görüşərək tibbi maarifləndirmə istiqamətində iş aparacaqlar.
Proyekt TƏBİB, Alman-Azərbaycan Tibb Assosiasiyası (DAMV) və Bioloji Təbabət İnteqrativ Tibb Mərkəzinin birgə təşkilatçılığı ilə həyata keçiriləcək.
