Mərkəzi Kitabxanada Masallı rayon Ağsaqqallar Şurasının təşkilatçılığı ilə təltifetmə mərasimi keçirilib. Bu haqda məlumatı Cenublu.az bu gün, 23 dekabr tarixində verir.
Tədbir zamanı rayon Ağsaqqallar Şurasının sədri Ələşrəf Niftiyev çıxış edərək Heydər Əliyevin xalqımız və dövlətimiz qarşısındakı misilsiz xidmətlərindən danışıb. Dahi şəxsiyyətin fəaliyyətinin hər bir məqamının Azərbaycanın mənafeyinə, dövlətçiliyimizin inkişafına həsr olunduğunu bildirib.
Sonra ulu öndərin anadan olmasının 100 illiyi ilə əlaqədar keçirilən tədbirlərdə fəal iştirakına, təşəbbüskarlığına və təşkilatçılığına görə Mərkəzi Kitabxananın direktor əvəzi Zamin Məmmədov Fəxri Fərman, həmçinin kitabxana əməkdaşlarından Aygül Mirzəzadə Fəxri Fərman, Aidə Quliyeva və Rasif Dadaşov isə Təşəkkürnamə ilə təltif olunublar.
Tədbirin yekununda kitabxananın direktor əvəzi Zamin Məmmədov rəhbərlik etdiyi mədəniyyət müəssisəsinin rayonun ictimai-siyasi həyatında, tədbirlərin təşkilində bundan sonra da aktiv fəaliyyət göstərəcəyini diqqətə çatdırıb.
