Masallı şəhər Park-Bulvar Kompleksi ərazisində ağaclar əkilib. Bu haqda məlumatı Cenublu.az bu gün, 23 aprel tarixində verir.
Aksiyada RİH-nin başçısı Araz Əhmədov və aparatı, “Embawood” MMC-nin rəhbəri Elşad Abbasov, mebel fabrikinin əməkdaşları, Mənzil Kommunal Təsərrüfatı İstehsalat Birliyinin işçiləri və şəhər sakinləri iştirak ediblər. Onlar tərəfindən ümumilikdə 200 ədəd sərv ağacı əkilərək suvarılıb və möhkəmlənmə işləri həyata keçirilib.
“Yaşıl dünya naminə həmrəylik ili” çərçivəsində keçirilən aksiya RİH-nin təşkilatçılığı, Mənzil Kommunal Təsərrüfatı İstehsalat Birliyi və “Embawood” MMC mebel fabrikinin əməkdaşları tərəfindən təşkil olunub.
