Masallıda və Bakının Qaradağ rayonunda əməliyyat keçirilərək 50 kiloqram narkotik vasitə aşkarlanıb. Bu haqda məlumatı Cenublu.az bu gün, 30 mart tarixində verir.
Belə ki, DİN Baş Narkotiklərlə Mübarizə İdarəsi əməkdaşlarının əməliyyat zamanı narkotik vasitələrin qanunsuz dövriyyəsi ilə məşğul olan 1993-cü il təvəllüdlü Aqil Əlizadə Qaradağ rayonu ərazisində saxlanılıb.
Həmin şəxsin üzərindən, avtomobilindən və Masallı rayonundakı evindən 39 kiloqram tərkibi psixotrop maddələrlə zənginləşdirilmiş marixuana, 7 kiloqram heroin, 2 kiloqram metamfetamin, 2 kiloqram tiryək, 2000 ədəd metadon həbi olmaqla ümumilikdə 50 kiloqram narkotik vasitə və narkotiklərin satışında istifadə etdiyi 2 ədəd elektron tərəzi aşkarlanıb.
Araşdırmalarla A.Əlizadə narkotikləri şəxsiyyəti istintaqla araşdırılan Fərşad adlı İran vətəndaşından Astara rayonunda əldə etdiyini bildirib. Onun əsas məqsədi kuryerlik edərək narkotikləri müxtəlif ünvanlara çatdırıb pul əldə etmək olub.
Faktla bağlı cinayət işi başlanılıb, A.Əlizadə barəsində məhkəmənin qərarı ilə həbs qətimkan tədbiri seçilib.
[caption id="attachment_56645" align="alignnone" width="336"]
Foto DİN[/caption]
