Ceyhun Bəşirov Nizami Gəncəvi adına Masallı rayon Mədəniyyət Mərkəzinə direktor təyin olunub. Bu haqda məlumatı Cenublu.az bu gün, 20 fevral tarixində verir.
Ceyhun Salamat oğlu Bəşirov 29 noyabr 1980-ci ildə Masallı rayonunun Ərkivan qəsəbəsində anadan olub. Masallı şəhər 3 saylı tam orta məktəbini bitirdikdən sonra Bakı Dövlət Universitetinin Kimya fakültəsinin Tətbiqi kimya ixtisasına daxil olub. 2004-cü ildə isə Bakı Dövlət Universitetinin Neft, qaz emalı ixtisası üzrə magistr pilləsini fərqlənmə ilə bitirib.
Əmək fəaliyyətinə 2005-ci ildə Azərbaycan Milli Elimlər Akademiyasının Radiasiya Problemləri İnstitutunda elmi işçi kimi başlayıb. 2012-ci ildən Masallı rayon İcra Hakimiyyətində müxtəlif vəzifələrdə işləyib. 2022-ci ildən bu təyinatadək Masallı rayon Mədəniyyət Mərkəzinin metodisti idi.
Qeyd edək ki, Masallı rayon Mədəniyyət Mərkəzinin sabiq direktoru Vəkil İsmailov təqaüd yaşı ilə əlaqədar vəzifəsindən azad olunub. O, bu vəzifəni
1999-cu ildən icra edirdi.
