Energetika naziri Pərviz Şahbazov Masallıda vətəndaşlarla görüş təşkil edib. Bu haqda bu gün, 16 sentyabr tarixində Cenublu.az nazirliyə istinadən xəbər verir.
Masallı rayonu, Heydər Əliyev Mərkəzində baş tutan görüşdə Bakı və Sumqayıt şəhərləri, Salyan, Masallı, Lənkəran, Astara, Lerik və Yardımlı rayonlarından olan 18 vətəndaş iştirak edib.
Pərviz Şahbazov vətəndaşların elektrik enerjisi təchizatı, şəbəkəyə qoşulma, qazlaşdırma, elektrik və qaz sərfiyyatına görə cərimələr və digər məsələlərlə bağlı müraciətlərini dinləyib. Səsləndirilən məsələlərin qanunvericiliyin tələblərinə uyğun həll edilməsi üçün müvafiq tapşırıqlar verilib.
Nazirliyin fəaliyyət dairəsinə aid olmayan müraciətlər aidiyyəti qurumlara göndərilməsi üçün qeydə alınıb.
