Masallı Rayon İcra Hakimiyyətinin başçısı Araz Əhmədov Masallı Rayon İcra Hakimiyyətinin inzibati binasında vətəndaşların qəbulunu keçirib. Bu haqda məlumatı Cenublu.az bu gün, 16 sentyabr tarixində verir.
Tədbirin əvvəlində Azərbaycan Respublikasının ərazi bütövlüyü uğrunda və Ermənistan silahlı qüvvələri tərəfindən sentyabrın 12-si gecə saatlarından etibarən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində törətdiyi genişmiqyaslı təxribatın qarşısı alınarkən şəhid olanların xatirəsi bir dəqiqəlik sükutla yad edilib.
Qəbulda Masallı şəhəri, Boradigah və Ərkivan qəsəbələri, Təzəkənd, Çaxırlı, Xırmandalı, Həsənli, Qızılağac, Göyəçöl, Güllütəpə, Qarğalıq və digər kəndlərindən 73 nəfərdən çox vətəndaş müraciət edib.
İcra başçısı qaldırılan məsələlərin həlli istiqamətində müvafiq qurumlara tapşırıqlar verib. Məsələlərdən 37-si yerindəcə həll olunub, digər məsələlər isə nəzarətə götürülüb.
