Masallı arıçıları sərgi-satış yarmarkalarının sayının artırılmasını istəyirlər. Bu haqda bu gün, 19 avqust tarixində Cenublu.az Azərtac-a istinadən xəbər verir.
Belə ki, Masallı arıçıları artıq balın son süzümünə başlayıblar. Ərkivan kənd sakini Qönçə Quliyevanın sözlərinə görə, ötən il bir yeşikdən 12-15 kiloqram bal alırdılarsa, bu il bir yeşikdən 20 kiloqram bal yığmaq mümkün olub. Ümumilikdə təsərrüfatçı ötən ildəkindən 1 ton çox, 3 tona yaxın məhsul götürüb.
Məhsulun bol olmasına görə onun satışı çətinləşib. Qönçə Quliyeva bildirir ki, ildə bir dəfə respublika sərgi-satış yarmarkası keçirilsə də, bu, məhsulları satmaq üçün kifayət etmir.
Qeyd edək ki, bu il Masallıda arıçılıq təsərrüfatlarının sayı 642, arı ailələrinin sayı isə 9711-ə çatıb.
