Masallı Tarix-Diyarşünaslıq Muzeyində "Vətənin ölməz oğulları" adlı layihə başlayıb. Bu haqda məlumatı Masallı rayon İcra Hakimiyyəti verib.
Tədbir Azərbaycanın müstəqilliyi və ərazi bütövlüyü uğrunda şəhid olmuş qəhrəmanların əziz xatirəsinin bir dəqiqəlik sükutla yad edilməsi ilə başlayıb.
Daha sonra, "Vətənin ölməz oğulları" layihəsinin keçirilmə məqsədindən və bu layihə çərçivəsində il boyu həyata keçiriləcək silsilə tədbirlər haqda geniş məlumat verilib.
Daha sonra rayonda yanvar ayında doğulmuş Birinci Qarabağ, Vətən müharibəsi zamanı şəhidlik zirvəsinə ucalan oğulların həyat və şərəfli döyüş yolundan məruzə edildi.
Çıxışlardan sonra Masallı şəhər 2 saylı tam orta məktəbin şagirdləri şəhidlərin xatirəsinə həsr olunan Ədəbi-bədii kompozisiyası təqdim etdilər.
Tədbirin sonunda şəhid valideynlərinə tədbir təşkilatçıları tərəfindən Vətən uğrunda öz borcunu ləyaqətlə yerinə yetirən övlad böyütdüklərinə görə minnətdarlıq əlaməti olaraq Təşəkkürnamələr təqdim olundu. Tədbir iştirakçıları ilə xatirə şəkilləri çəkildi.
