Masallı rayonunun qazi və şəhid ailələrinə əlil arabaları paylanılıb. Bu haqda məlumat Masallı Rayon İcra Hakimiyyətinin rəsmi Facebook səhifəsində paylaşılıb.
Təqdimetmə mərasimi Masallı Bioloji Təbabət klinikasında keçirilib. Tədbirdə Masallı Rayon İcra Hakimiyyətinin başçısı Şahin Məmmədov, Niderland Azərbaycan-Türk Mədəniyyət Dərnəyinin rəhbəri İlhan Aşkın, şəhid ailələrinin üzvləri, qazilər və media nümayəndələri iştirak ediblər.
"Qürbətdən Qarabağa" layihəsi Niderlandda fəaliyyət göstərən "Azərbaycan-Türk mədəniyyət dərnəyi" və "Kros Medical" tərəfindən təşkil olunmuşdur.
Viləş kəndindən olan Vətən müharibəsi əlili İdrak Valeh oğlu Abuşova, Təzə Alvadı kəndindən olan Vətən müharibəsi əlili Məmməd Vahid oğlu Səlimova, mülki şəxslər - Abdulbağı Abdullayevə (Göyəçöl kəndi) və Pərvin Abuşovanın qardaşına (Masallı şəhəri) çatacaq əlil arabaları paylanılıb.
Sonda tədbir iştirakçıları Masallı şəhərinin Qəhrəmanlar parkında "Şəhidlər abidə-kompleksi"ni ziyarət ediblər.
[caption id="attachment_9214" align="alignnone" width="300"]
Masallı Rayon İcra Hakimiyyəti Facebook[/caption]
