Mərhum qarmon ifaçısı Ağadadaş Abdullayevin qızı Nərminə Abdullayeva dünyasını dəyişib. Bu haqda məlumatı Cenublu.az bu gün, 15 aprel tarixində verir.
Xatırladaq ki, Nərminə Ağadadaş qızı Abdullayeva piano müəllimi idi.
Qeyd edək ki, Ağadadaş Abdullayev 9 iyul 1934-cü ildə Lənkəran şəhərində anadan olub. Onun rəhbərlik etdiyi Lənkəran məktəblilərindən ibarət musiqi kollektivi ardıcıl olaraq 19 il uşaq və gənclər festivallarının qalibi olub. Onun bəstələdiyi "Lənkəranım" rəqs havası klarnet çalan Yüzbaşı Rzayevin ifasında videotekamızın qızıl fonduna daxil edilib. Uzun illər Lənkəran şəhər 2 saylı musiqi məktəbində dərs deyib.
Ağadadaş Abdullayev 10 oktyabr 1997-ci ildə vəfat edib.
