Masallıda Xalq artisti Qabil Quliyevlə görüş keçirilib. Bu haqda məlumatı Cenublu.az bu gün, 30 may tarixində verir.
“Mədəniyyətimizin qonağı” layihəsi çərçivəsində keçirilən görüş Nizami Gəncəvi adına Mədəniyyət Mərkəzində baş tutub. Tədbirdə Lənkəran–Astara Regional Mədəniyyət İdarəsinin rəisi Bəxtiyar Qılıncov, idarə aparatının əməkdaşları, digər rəsmilər və idarənin əhatə etdiyi rayonlarda fəaliyyət göstərən mədəniyyət müəssisələrinin işçiləri iştirak ediblər.
Əvvəlcə Regional Mədəniyyət İdarəsinin rəisi Bəxtiyar Qılıncov qonağı salamlayıb, sonra Xalq artistinə xatirə hədiyyəsi təqdim edilib. Aparıcı Qabil Quliyevin həyat və yaradıcılığı haqqında məlumat verdikdən sonra onun rol aldığı tamaşalardan, filmlərdən videoçarxlar təqdim olunub. Sənətkar çıxışında həyatının yaddaqalan məqamları, aktyorluq sənətinə gəlişi və oynadığı rollardan bəhs edib.
Sonda tamaşaçılarla səmimi ünsiyyət yaradan Xalq artisti iştirakçıları maraqlandıran sualları cavablandırıb.
