Lənkəranın Liman şəhərində antisanitar vəziyyət sakinlərin narazılığına səbəb olub.
Cenublu.az xəbər verir ki, "YCM" yanacaqdoldurma məntəqəsinin yaxınlığında yerləşən yeməkxanalardan birinin arxa hissəsi məişət tullantıları ilə zibillənib.
Vətəndaşların sözlərinə görə, yeməkxana sahibləri üçün zibil qutuları qoyulsa da, tullantılar buna baxmayaraq birbaşa əraziyə atılır. Ərazidə plastik və şüşə butulkalar, həmçinin qida qalıqları səpələnib.
Bildirilib ki, qida tullantıları sahibsiz itləri də əraziyə cəlb edir. Bu isə yaxınlıqda yaşayan sakinlər üçün narahatlıq və təhlükə yaradır.
Şikayətçilər aidiyyəti qurumlardan ərazinin təmizlənməsini, nəzarətin gücləndirilməsini və antisanitar vəziyyət yaradan şəxslərlə bağlı tədbir görülməsini istəyirlər.
