Lənkəranda avqustun 19-da təmir, budama və texniki yoxlama işləri ilə əlaqədar elektrik enerjisinin verilişində fasilələr yaranacaq.
Cenublu.az xəbər verir ki, Cənub Regional Enerji Təchizatı və Satışı İdarəsinin (RETSİ) Lənkəran Elektrik Şəbəkəsindən verilən məlumata görə, "Lənkəran-2" yarımstansiyasından çıxan "9 saylı" hava xəttində saat 10:00-dan 14:00-dək, "Səpnəkəran" yarımstansiyasından çıxan "3 saylı" hava xəttində saat 10:00-dan 13:00-dək, "Mis" hava xəttində saat 14:00-dan 16:00-dək təmir və texniki işlər aparılacaq.
Bundan başqa, "Liman" yarımstansiyasından çıxan "Tüklə-Liman" və "Lənkəran-Liman" hava xətlərində saat 11:00-dan 12:30-dək müvafiq işlərin görülməsi nəzərdə tutulub.
Aparılacaq işlərlə əlaqədar ümumilikdə 8 400 abonentin elektrik enerjisinin verilişində fasilə və məhdudiyyətlər yaranacaq.
