Bu gün, lənkəranlı qəhrəman şəhid Həsənağa Şakir oğlu Abdullazadənin dünyaya göz açdığı gündür.
Baş leytenant Həsənağa Abdullazadə 1993-cü ildə martın 9- u Lənkəranda anadan olub.
Vətən müharibəsinə könüllü qoşulan Həsənağa, Murov zirvəsinin azad edilməsi uğrunda gedən döyüşlərdə yaxından iştirak edib. Ailəsi ilə telefon danışığında “Mən öz istəyimə çatacağam, Kəlbəcərə bayrağı mən sancacağam” deyən komandir təəssüf ki, döyüş yoluna sonadək davam edə bilmir.
Oktyabrın 3-ü şəhid olan qəhrəmanın nəşi qış fəslində axtarış işlərinin çətinliyi ilə əlaqədar yalnız yanvar ayının 13-ü ailəsinə təhvil verilib.
Şəhid Həsənağa Abdullazadə 14 yanvar İkinci Fəxri Xiyabanda dəfn edilib.
Ölümündən sonra “Vətən uğrunda”, “Kəlbəcərin azad olunmasına görə” medalları ilə və 3-cü dərəcəli “Rəşadət” ordeni ilə təltif edilib.
