Xəzər dənizinin cənub istiqamətində narkotik vasitələrin qaçaqmalçılıq yolu ilə Azərbaycana gətirilməsinin qarşısı alınıb. Bu haqda məlumatı Cenublu.az bu gün, 19 mart tarixində Dövlət Sərhəd Xidmətinə (DSX) istinadən verir.
Belə ki, keçirilmiş tədbirlər nəticəsində Xəzər dənizinin cənub istiqamətində, Qızılağac Dövlət Təbiət Qoruğu ərazisində “BA-580” bort nömrəli “Yamaha-25” mühərriki ilə təchiz edilmiş qayıqda Lənkəran rayonunun Balıqçılar qəsəbəsi sakini, 35 yaşlı Ağayev Cəfər Bahadır oğlu sahilə yan alarkən sərhəd naryadı tərəfindən saxlanılıb.
Qayığa baxış zamanı yeddi bağlamada ümumi çəkisi 29 kiloqram 715 qram narkotik vasitə marixuana, “Baikal” ov tüfəngi, iyirmi dörd ədəd patron, həmçinin “Garmin” GPS cihazı, “Samsung Galaxy A5” və “KGTEL” markalı mobil telefonlar aşkar olunaraq götürülüb.
Fаkt üzrə əməliyyаt-istintaq tədbirləri dаvаm еdir.
