Uşaq-Gənclər İdman-Şahmat Məktəbi bərbad vəziyyətdədir. Bu haqda məlumatı Cenublu.az bu gün, 18 avqust tarixində ATV-yə istinadən verir.
Xarabalıqdan seçilməyən məktəb 1978-ci ildə istifadəyə verilib. Burada boks, güləş, badminton, basketbol, futbol, şahmat, ağır atletika, taekvondo kimi olimpiya idman növləri tədris edilir. Lakin hazırda məktəbdəki şəraitsizlikdən bəzi idman növlərinin tədrisi mümkün deyil.
Sakinlər bildiriblər ki, burada nəinki sağlam olmaq, əksinə, daha çox xəsarət almaq, ya da xəstəlik tapmaq qorxusu var.
Elm və təhsil nazirliyinin mətbuat katibi, Cəsarət Valehov bu məsələ ilə bağlı məktəbin əsaslı təmirə ehtiyacı olduğunu bildirib. Bununla bağlı müvafiq Dövlət Proqramına artıq bu mövzuda müraciət olunub. Növbəti ildə Şahmat İdman məktəbinin əsaslı təmiri gözlənilir.
Qeyd edək ki, hazırda Şahmat Məktəbində ayrı-ayrı idman növləri ilə məşğul olmaq üçün 1200-ə yaxın şagird müraciət edib.
