Bakı Dövlət Universitetinin Beynəlxalq münasibətlər və iqtisadiyyat fakültəsinin Diplomatiya və müasir inteqrasiya prosesləri kafedrasının dosenti tarix elmləri namizədi İsgəndər Quliyev dünyasını dəyişib. Bu haqda məlumatı Cenublu.az bu gün, 17 aprel tarixində verir.
İsgəndər Quliyev 1 iyul 1938-ci ildə Astara rayonunun Artupa kəndində anadan olub. Orta təhsilini Ərçivan kənd Puşkin adına orta məktəbdə alıb. 1960-cı ildə BDU-nun Tarix fakültəsinə qəbul olub.
1965-ci ildən BDU-nun Tarix fakültəsində elmi-pedaqoji fəaliyyətə başlayıb. 1967-ci ildə namizədlik dissertasiyası müdafiə edərək tarix elmləri namizədi elmi dərəcəsi alıb. 1965-1968-ci illərdə Astara rayonunun Səncərli kənd orta məktəbində əvvəlcə direktor müavini, dava sonra direktor vəzifəsində çalışıb. 1970-ci ildən BDU-da müəllim, baş müəllim daha sonra dosent vəzifəsində işləyib.
İ.Quliyev II çağırış Azərbaycan Respublikası Milli Məclisinin deputatı olub.
Onun tədqiqat sahəsi Asiya dövlətlərinin diplomatiyası və xaric siyasəti olub.
İsgəndər Quliyev 2000-ci ildə Şöhrət Ordeni ilə təltif edilib. O, “91-lər”in tanınmış nümayəndələrindən idi.
