Lənkəran–Astara Regional Mədəniyyət İdarəsində Qalib Zülfüqarlının şəhadətə ucalmasının 8-ci ildönümünə həsr olunmuş tədbir baş tutub. Bu haqda məlumatı Cenublu.az bu gün, 30 mart tarixində verir.
Mərasimə rayon rəsmiləri, qazilər, müharibə iştirakçıları, şəhid ailələri və ictimaiyyət nümayəndələri cəlb olunublar.
Tədbirdə şəhidin həyatı haqqında məlumat verilib və videoçarx təqdim edilib.
Yekunda məktəblilər tərəfindən şəhidə həsr olunmuş şeirlər səsləndirilib. Daha sonra tədbir iştirakçıları şəhidin məzarına baş çəkiblər.
Qeyd edək ki, Zülfüqarlı Qalib Layim oğlu 1992-ci ildə Lənkəran rayonunun Vilvan kəndində anadan olub. 2016-cı il martın 27-də Qazax rayonunda Ermənistan silahlı qüvvələrinin atəşkəsi pozması nəticəsində şəhid olub.
Ölümündən sonra “Hərbi xidmətdə fərqlənməyə görə” 3-cü dərəcəli medalı ilə təltif edilib.
