Lənkəran rayon Digah kənd tam orta məktəbində ağırlıqqaldırma üzrə Avropa çempionu Hüseyn Heydərovla görüş baş tutub. Bu haqda məlumatı Cenublu.az bu gün, 20 aprel tarixində verir.
Görüşdə şagirdlərə ağırlıqqaldırma üzrə master-klas göstərilib, onların sualları Hüseyn və onun məşqçiləri Məmməd Məmmədov və Toğrul Məmmədli tərəfindən cavablandırılıb.
Tədbir Lənkəran–Astara Regional Gənclər və İdman İdarəsinin təşkilatçılığı ilə həyata keçirilib.
Qeyd edək ki, Hüseyn Moldovanın paytaxtı Kişinyov şəhərində keçirilən 15 və 17 yaşlı yeniyetmə oğlan və qızlar arasında Avropa birinciliyində I yeri tutaraq fəxri kürsünün ən yüksək pilləsinə qalxıb.
