Lənkəranda ekologiyanı çirkləndirən “Beluqa” istirahət mərkəzinin rəhbəri cəzalandırılıb. Bu haqda Cenublu.az bu gün, 5 avqust tarixində Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinə istinadən verir.
Dövlət Ekoloji Təhlükəsizlik Xidmətinin və Daxili İşlər Nazirliyinin Baş İctimai Təhlükəsizlik İdarəsinin əməkdaşları tərəfindən keçirilən birgə nəzarət tədbirləri nəticəsində Lənkəran rayonunun Sütəmurdov kəndi ərazisində “Beluqa” istirahət mərkəzində və Lənkəran şəhəri, Paşa Təhməzov küçəsindəki yaşayış binasının qarşısında məişət tullantılarının qalaqlanması və yandırılması faktları müəyyən olunub.
Faktlarla bağlı Sütəmurdov bələdiyyəsinin sədri Emil Məmmədov, “Beluqa” istirahət mərkəzinin rəhbəri Mirəbdülqəni Ağazadə və Lənkəran Şəhər Mənzil Təsərrüfat İdarəsinin rəisi İlham Mirzəzadə barəsində akt, protokol tərtib olunub və qanunamüvafiq tədbirlər görülüb.
