Lənkəran Ağır Cinayətlər Məhkəməsində quldurluqda təqsirləndirilən Alı Alıyevə (şərti) hökm oxunub. Bu haqda məlumatı Cenublu.az bu gün, 16 avqust tarixində Oxu.az-a istinadən verir.
Belə ki, 1993-cü il təvəllüdlu Alı Alıyev 2021-ci ildə Lənkəran rayonu, Şirinsu kəndində yerləşən “OYES” yanacaqdoldurma məntəqəsinə, daha sonra isə Girdəni kəndində yerləşən “Girdəni Petrol” yanacaqdoldurma məntəqəsinə bıçaqla basqın edib. Nəticədə o, bir neçə şəxsə xəsarət yetirib, oradan quldurluq yolu ilə pul və telefon aparıb.
Məhkəmənin hökmü ilə o, 12 il müddətinə azadlıqdan məhrum edilib.
