Lənkəranda 12 avqust – Beynəlxalq Gənclər Günü ilə əlaqədar olaraq "Uğurumu danışıram" layihəsi təşkil olunacaq. Bu haqda məlumatı Cenublu.az bu gün, 8 avqust tarixində Lənkəran-Astara Regional Gənclər və İdman İdarəsinə istinadən verir.
Layihə çərçivəsində 2023-cü il "FLEX" proqramının qalibi olan Lənkəranlı gənc Firanə Qurbanova ilə görüş baş tutacaq.
9 avqust saat 11:00-da Lənkəran Gənclər Evində baş tutacaq görüşdə Firanə Qurbanova qalib olduğu proqrama hazırlaşdığı müddətdə yaşadığı çətinlikləri, könüllülüyün faydaları kimi bir çox məlumatları gənclərlə bölüşəcək.
Görüş Lənkəran-Astara Regional Gənclər və İdman İdarəsi və Lənkəran Gənclər Evinin təşkilatçılığı ilə keçiriləcək.
