Azərbaycan Respublikasının Qida Təhlükəsizliyi Agentliyi (AQTA) əməkdaşları tərəfindən Lənkəranda qida sahəsində fəaliyyət göstərən 2 ticarət müəssisəsində həyata keçirilən monitorinqlər zamanı nöqsanlar müəyyən olunub. Bu haqda məlumatı Cenublu.az bu gün, 10 avqust tarixində verir.
Belə ki, Lənkəran rayonunun Şiləvar kəndində yerləşən "Mamausta" marketində obliqat qrupuna daxil olan işçilərin ilkin və dövri tibbi müayinədən keçməməsi və baytarlıq şəhadətnaməsi və ya arayışı olmayan heyvan mənşəli məhsulların qəbulu kimi nöqsanlar aşkarlanıb. Eyni kənddə yerləşən "Refem" marketində isə qeyd olunmuş nöqsanlardan əlavə, qida məhsullarının açıq şəkildə satışı və qablaşdırılmasına qoyulan tələblərə dair uyğunsuzluq qeydə alınıb.
Aşkar edilmiş nöqsanların aradan qaldırılması ilə bağlı icrası məcburi göstərişlər verilib.
