Şəhid əsgər Elməddin Məmmədlinin məzarı "Şəhidlər unudulmur" layihəsi çərçəvəsində gənclərimiz tərəfindən ziyarət edilib. Bu haqda məlumatı Cenublu.az bu gün, 11 avqust tarixində verir.
10 avqust 2000-ci ildə Lənkəran şəhərinin Velədi kəndində anadan olan və məzarı Velədi kəndi qəbiristanlığında yerləşən əsgər Elməddin Məmmədli 2020-ci ildə Azərbaycanın ərazi bütövlüyünün təmin edilməsi uğrunda döyüşüb və qarşısında qoyulmuş tapşırıqların icrası zamanı şəhid olub.
O, vəzifə borcunu şərəflə yerinə yetirdiyi üçün ölümündən sonra "Vətən uğrunda", "Füzulinin azad edilməsinə görə" və "Cəsur döyüşçü" medalları ilə təltif edilib.
Qeyd edək ki, ziyarət Lənkəran Gənclər Evi və Lənkəran-Astara Regional Gənclər və İdman İdarəsinin birgə təşkilatçılığı ilə baş tutub.
