Lənkəranda “Şəhərdən Kəndə” və “Aqrar Fəaliyyətli Azərbaycan Qadınları” sosial layihəsi çərçivəsində tədbir baş tutub. Bu haqda məlumatı Cenublu.az bu gün, 22 iyul tarixində verir.
Tədbirdə Lənkəran Şəhər İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Mikayıl Cəfərzadə və “Aqrar Tədarük Təchizat” Açıq Səhmdar Cəmiyyətində Biznesin inkişafı departamentinin müdiri Hikmət Hüseynov çıxış ediblər.
İştirakçılar layihə haqqında ətraflı məlumat alıblar, videoçarx izləyiblər, layihədən yararlanmış qadınların təcrübələrini dinləyib və suallarına cavab alıblar. Tədbirdə, eləcə də rayon ərazisində fəaliyyət göstərən fermer və sahibkar qadınlar da iştirak ediblər.
Tədbirin əsas məqsədi rayonda aqroturizmin inkişafı, yeni məşğulluq imkanlarının yaradılması, ailə bizneslərinin dəstəklənməsi, habelə qadın fermerlərin sayının artırılması və onların inkişafıdır.
Qeyd edək ki, tədbir “PAŞA Holdinq” MMC-nin dəstəyi ilə keçirilib.
