Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı Lənkəran rayonunun Liman şəhəri ərazisindən qanunsuz qum-çınqıl daşındığı müəyyən edilib. Bu haqda məlumatı Cenublu.az bu gün, 3 avqust tarixində verir.
Xidmət rəsmisi Bəhruz Məhəmmədov qeyd edib ki, araşdırma zamanı qum-çınqıl qarışığının Lənkəran rayonunda “ZİL-130” markalı 42-BR-685 dövlət qeydiyyat nişanlı yük avtomobilinin sürücüsü Elşad Bayramov tərəfindən daşındığı məlum olub.
“Faktlarla bağlı təqsirkar şəxslər barəsində akt, protokol tərtib olunub və qanunamüvafiq tədbirlər görülüb”, - deyə Bəhruz Məhəmmədov bildirib.
