Lənkəran Şəhər Rayon Polis Şöbəsinin Post Patrul Xidmətinin əməkdaşları xidmətdə olarkən şəhər ərazisindəki parkların birindən pulqabı tapıblar. Bu haqda məlumatı Cenublu.az bu gün, 3 avqust tarixində verir.
İçərisində 340 manat pul, bank kartları və azyaşlıya məxsus şəxsiyyət vəsiqəsi olan pulqabının sahibini tapmaq üçün dərhal axtarışa başlanılıb. Şəxsiyyət vəsiqəsi əsasında həmin uşağın ailəsi və yaşadıqları ünvan dəqiqləşdirilərək pulqabının sahibi olan şəxsin rayon sakini B.Eynullayeva olduğu müəyyən edilib.
Polis əməkdaşları tərəfindən qısa vaxt ərzində pulqabı həmin qadına təhvil verilib. Pulqabısını park və ticarət obyektində axtarsa da, tapmadığını bildirən qadın polis əməkdaşlarına minnətdarlığını bildirib.
