Lənkəran şəhərində iş axtaran vətəndaşlar üçün tədbir təşkil olunacaq. Bu haqda məlumatı Cenublu.az bu gün, 15 aprel tarixində verir.
Əmək yarmarkası sabah, 16 aprel tarixində saat 10:00-da Heydər Əliyev Mərkəzində baş tutacaq. Burada iştirakçılara vakansiyalar, iş öhdəlikləri və şərtlər haqda ətraflı məlumat təqdim olunacaq.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
Tədbir Dövlət Məşğulluq Agentliyinin Lənkəran–Astara Regional Məşğulluq filialının dəstəyi ilə həyata keçiriləcək.
