Lənkəranda “Yaşıl dünya naminə həmrəylik ili” çərçivəsində ağacəkmə aksiyası baş tutub. Bu haqda məlumatı Cenublu.az bu gün, 15 aprel tarixində verir.
Aksiya 1 saylı, 2 saylı, 3 saylı, 5 saylı şəhər klubları, Rvo kənd klubu, Tatoba kənd klubu, Bürcəli kənd Mədəniyyət Evi, Aşağı Nüvədi kənd Mədəniyyət Evinin iştirakı ilə həyata keçirilib.
Tədbirdə, həmçinin Mədəniyyət Mərkəzinin rəssamlıq kursunun dərnək üzvləri təbiətin gözəlliyini öz fırçaları ilə əks etdirən rəsm əsərləri yaradıblar.
Ağacəkmə aksiyası Q.Vəliyev adına Lənkəran şəhərinin Mədəniyyət Mərkəzi tərəfindən təşkil edilib.
Qeyd edək ki, ümumillikdə ilin əvvəlindən bu günə kimi 100 dekorativ ağac əkilib, ilin sonuna qədər 300 ağacın əkilməsi planlaşdırılır.
