Lənkəran şəhər Mədəniyyət Mərkəzində 2022-2023-cü tədris ilində Lənkəran-Astara Regional Təhsil İdarəsinin tabeliyində olan ümumtəhsil müəssisələrini gümüş və qızıl nişanla bitirən, ali təhsil müəssisələrinə qəbul imtahanında 600 baldan yüksək nəticə göstərən və Respublika Fənn Olimpiadasının qalibi olan məzunlar mükafatlandırılıblar. Bu haqda məlumatı Cenublu.az bu gün, 31 avqust tarixində verir.
Mükafatlandırma mərasimində millət vəkili Ziyafət Əsgərov, Lənkəran Dövlət Universitetinin rektoru, yerli İcra Hakimiyyətinin nümayəndələri, Lənkəran-Astara Regional Mədəniyyət İdarəsinin rəisi Bəxtiyar Qılıncov, Lənkəran-Astara Gənclər və İdman İdarəsinin rəisi Teymur Babazadə, regionda fəaliyyət göstərən ali təhsil ocaqlarının, kollec və peşə liseylərinin müdirləri iştirak ediblər.
Tədbir zamanı müxtəlif nominasiyalar üzrə 83 nəfər olmaqla ümumilikdə 75 məzun iştirak edib və müxtəlif hədiyyələr və təltifnamələr təqdim olunub.
