İstehlakçı hüquqlarının qorunması, həmçinin qida təhlükəsizliyinin təmin edilməsi istiqamətində AQTA tərəfindən tədbirlər davam etdirilir. Bu haqda məlumatı Cenublu.az bu gün, 8 avqust tarixində verir.
4-7 avqust tarixlərində Qida Təhlükəsizliyi Agentliyinin (AQTA) əməkdaşları respublika ərazisində qida sahəsində fəaliyyət göstərən 23 ticarət müəssisəsi və 6 ictimai iaşə müəssisəsində monitorinqlər keçiriblər.
Ümumilikdə 12 müəssisədə nöqsanlar müəyyən olunub. Onların arasında Lənkəran rayonu, Ürgə kəndində yerləşən Altay Bağırova məxsus mağaza da var.
Bu müəssisədə obliqat qrupuna daxil olan işçilərin ilkin və dövri tibbi müayinədən keçirilməməsi ilə bağlı nöqsan aşkarlanıb.
Aşkar edilmiş nöqsanın aradan qaldırılması ilə bağlı icrası məcburi göstərişlər verilib.
